Կենտրոնի ծառայությունները
            Կոնուսը առաջին ընկերությունն է, որը Ռուսաստանում և հարավկովկասյան տարածաշրջանում մասնագիտացել է մանուկների ստեղծագործական գործընթացում օգտագործվող ապրանքների վաճառքում:
            Մենք ոչ միայն հաջողությամբ ներկայացնում ենք արտասահմանյան և հայրենական լավագույն արտադրողների արտադրանքը, այլև մատուցում ենք բազմազան ու տարաբնույթ ծառայություններ մշտական և պոտենցիալ հաճախորդների համար:
            Մանկական զարգացման կենտրոնում գործում է ծառայությունների բազմաճյուղ համակարգ: Կենտրոնի տարածքում կանոնավոր կերպով անց են կացվում ցուցադրական դասեր, որոնց ընթացքում երեխաները և մեծահասակները հնարավորություն են ստանում ծանոթանալու առաջարկվող արտադրանքի օգտագործման առանձնահատկություններին, կազմակերպվում են խորհրդակցություններ և ուսուցանող պարապմունքները:
            Կոնուս մանկական զարգացման կենտրոնին կարող են անդամագրվել և նրա ծառայություններից օգտվել հայաստանաբնակ բոլոր քաղաքացիներն առանց տարիքային սահմանափակման

Կենտրոնի նպատակները
            - Դաստիարակել համակողմանի զարգացած մանուկներ և պատանիներ, նպաստել նրանց ճիշտ աշխարհայացքի ձևավորմանն ու ամբողջացմանը:
            - Երեխաների մեջ ձևավորել գեղագիտական բարձր ճաշակ և նպաստել նրանց գեղագիտական դաստիարակությանը:
            - Հայտնաբերել մանուկների ստեղծագործական ունակությունները, դրանք ուղղորդել և զարգացնել:
            - Նպաստել մարդկային արատավոր հատկանիշների վերացմանը` որպես հանրային չարիքի:
            - Հանրության մեջ ամրապնել այն գիտակցությունը, թե ստեղծագործական հմտությունները և կարողությունները մարդու անհատական և հանրային դաստիարակության կարևորագույն գործոններ են:

Կենտրոնի խնդիրները
            - Ստեղծել խմբակներ, որոնք կնպաստեն երեխաների գեղագիտական դաստիարակությանը, ստեղծագործական ունակությունների հայտնաբերմանն ու զարգացմանը:
            - Կազմակերպել մանկական խմբակների ստեղծագործական աշխատանքներում օգտագործվող ապրանքների ցուցահանդես-վաճառքներ:
            - Ստեղծել հոգեբանական, բովանդակային հեռուստածրագիր, որը նպատակաուղղված կլինի արթնացնելու յուրաքանչյուրի հոգում թաքնված փոքրիկ ստեղծագործողին:
            - Վերոհիշյալ ծրագրի սահմաններում կգործի նաև ուսումնական հաղորդում, որի եթերաժամերին մասնագետները (ապագայում` նաև կենտրոնի լավագույն սաները) կուսուցանեն նկարելու, քանդակելու և հմուտ ձեռքեր ունենալու գաղտնիքները:
            - Ստեղծել ուսուցման կենտրոններ, որոնք կբարձրացնեն երեխաների զարգացման խնդիրներով զբաղվող մասնագետների որակավորումը, խորհուրդներով կօգնեն մայրիկներին:
            - Ստեղծել ծնողական կոմիտե, որը պետք է հանդիսանա կենտրոնի գործունեությունը վերահսկող հասարակական միավորում:
            - Հրատարակել ամսագիր, որը նվիրված կլինի երեխաների մտավոր և ստեղծագործական զարգացման խնդիրներին:
            - Համագործակցել բարեգործական ընկերությունների հետ: