Կոնուս մանկական զարգացման կենտրոնի բացման արարողությունը

Կոնուս մանկական զարգացման կենտրոնի բացման արարողությունը կայացել է 2007թ. նոյեմբերի 12-ին: Բացման արարողությանը այցելել էին ավելի քան 200 հյուրեր և շնորհանդեսը լայնորեն լուսաբանվել է զանգվածային լրատվամիջոցների կողմից: Միջոցառման ընթացքում ներկայացվում էր կենտրոնի կողմից առաջարկվող տեսականին և երեխաները խաղալով դրանց հետ, միջոցառման մասնակիցներին ցուցադրում էին իրենց հմտությունները և պատկերացումները:

Հյուրերը հիանում էին նայելով երեխաներին, որոնք խանդավառությամբ խաղում էին Կոնսուս մանկապատանեկան զարգացման կենտրոնի կողմից տրամադրված խաղալիքներով: Միաժամանակ, խաղասեղանի մոտ էին կենտրոնի ուսուցիչները, որոնք երեխաներին ցույց էին տալիս խաղալիքների զարմանահրաշ հատկությունները: Կոնուսի կողմից ստեղծվում են երեխաների խմբակներ, որոնք կանոնավոր կերպով կհանդիպեն կենտրոնում և կխաղան միմյանց հետ` իրենց պատկերացումներն արտահայտելու ուղիներ փնտրելով:

Միջոցառմանը մասնակցում էին նաև զանգվածային լրատվամիջոցների ներկայացուցիչները, որոնք ևս տպավորված էին Կոնուս մանկապատանեկան զարգացման կենտրոնի այս բացառիկ նախաձեռնությամբ: Մի շարք առաջատար թերթերի և ամսագրերի լրագրողների կողմից հարցազրույցներին զուգընթաց միջոցառումը լուսաբանվում էր նաև հայկական տարբեր հեռուստաընկերությունների կողմից: Նշվեց, որ Կոնուս կենտրոնը պատրաստվում է ունենալ իր սեփական հեռուստածրագիրը, որը կպատմի խմբակներ այցելող երեխաների և նրանց ձեռքբերումների մասին:

Կոնուս մանկապատանեկան զարգացման կենտրոնի գլխավոր տնօրեն Ամալիա Կարապետյանը (ձախ կողմից) բավականին տպավորված էր` տեսնելով այն բոլոր նախապատրաստական և կազմակերպչական աշխատանքների արդյունքները, որոնք նա կատարել էր նախքան բացման արարողությունը: Նա ասաց, որ հավատում է կենտրոնի բարեհաջող զարգացմանը, որը վկայում են երեխաների և նրանց ծնողների ժպիտները, որոնք բոլորը շատ ուրախ են Հայաստանում այս ուրույն նախաձեռնության համար: Բոլոր հյուրերը անչափ տպավորված էին միջոցառման կազմակերպչական բարձր մակարդակից:

Կոնուս մանկապատանեկան զարգացման կենտրոնի ֆինանսական տնօրեն Տիգրան Ասատրյանը` կենտրոնի հիմնադիրներից մեկը, նույնպես ողջունեց մասնակիցներին և ներկայացրեց կենտրոնի ռազմավարությունը: Նա շեշտեց, որ համաձայն գալիք պլանների, նախատեսվում է Հայաստանի ողջ տարածքում բացել կենտրոնի մասնաճյուղեր, որը մեծապես կնպաստի մանուկների զարգացմանը: Տիգրան Ասատրյանն աշխատում է նաև Մոսկվայի Կոնուս կենտրոնում և նա ներկայացրեց Կոնսուսի Մոսկվայի գրասենյակի գլխավոր տնօրենի ողջույնի խոսքը:

Խնկո Ապոր անվան մանկական գրադարանի տնօրեն Ռուզաննա Տոնոյանը ևս արտահայտեց իր աջակցությունը Կոնուս մանկապատանեկան զարգացման կենտրոնի հետ համագործակցությունը զարգացնելու առումով: Ռուզաննա Տոնոյանը հանդիսանում է կենտրոնի հիմնական գործընկերներից մեկը և նա ամենօրյա շփման մեջ է մանուկների հետ, ինչպես նաև շատ ծնողների և երեխաների նա խորհուրդ է տվել մասնակցելու կենտրոնի գործունեությանը:

Բացման արարողությանը այցելել էին նաև Մանկական տիկնիկային թատրոնի սաները, որոնք ներկայացրեցին հայկական ազգային պարը` ավանդական Քոչարին, որը համարվում է հաղթանակների պարը: Իհարկե, Հայաստանում կենտրոնի բացումը կարող է համարվել ծնողների և երեխաների հաղթանակը: Հարկավոր է նշել, որ Մանկական տիկնիկային թատրոնի սաները ներկայացնում էին իրենց պարը իրենց իսկ կողմից պատրաստված տիկնիկների միջոցով:

Միայն ժպիտներ և շնորհակալանքի խոսքեր էին լսվում ծնողների կողմից: Ծնողները մանրակրկիտ կերպով ուսումնասիրում էին Կոնուս մանկապատանեկան զարգացման կենտրոնի գրքույկները և հիանում էին ապրանքների լայն տեսականիով, որոնք մեծապես կաջակցեն նրանց երեխաների դաստիարակման գործում: Ծնողներն իրոք շատ ուրախ էին իրենց երեխաներին խմբակներ բերելու համար, որտեղ կենտրոնի ուսուցիչները երեխաներին ցույց են տալիս, թե ինչպես խաղալ` արտահայտելով երևակայությունը:

Բացման արարողության ժամանակ խաղասեղանը շրջապատված էր մանուկների կողմից, որոնք խաղում էին Կոնուս կենտրոնի կողմից տրամադրված խաղալիքներով: Երեխաներն անչափ ուրախ և տպավորված էին, քանի որ հհնարավորություն ունեին հանրությանը ցուցադրելու իրենց հմտությունները և շնորհքը: Կենտրոնի ուսուցիչներից մեկը նշեց, որ երեխաների ժպիտները և խանդավառությունը կենտրոնի ամենակարևոր ձեռքբերումն է: Երեխաներն ոգևորված կերպով խաղում էին և ցուցադրում էին իրենց երևակայությունը` հեքիաթներից և մուլտֆիլներից տարբեր կերպարների նմանակները ստեղծելով:

Բացման արարողության վերջում պաշտոնապես բացվեց Կոնուս մանկապատանեկան կենտրոնի խանութը, որը գտնվում է Խնկո Ապոր անվան Մանկական գրադարանի ներքնահարկում: Բոլոր մասնակիցները շատ ուրախ էին աշխարհահռչակ լավագույն մանկական խաղալիքները Հայաստանում տեսնելու համար: Այս խաղալինքերը բացառիկ են և մշակված են մանրակրկիտ և երկարատև հետազոտությունների արդյունքում, որի նպատակն է մանկությունը դարձնել ուրախ և երևակայություններով լի: